قصيدة الشاعر الأستاذ: موسى ضرار

حَمْدى إگِلْ ربي، كالقِ حِيايْ وماييتْ

سَنَتْ بَكيتَتْ، وعَرَفا مَكّا وجِدّا وعيدْ بَكِيتْ

أولْ أساسْ ارتريا، أباي لحارِبْ علا وشَفَتّيتْ

سَحْتَوو وإيْ سَحَتَيُومْ، راگَزُّومْ علا إبْ كَوَنيتْ

أگْرُوزْ إيْ حارَدا، وإيْ فراچقا أدْرُوظْ عَمَسّيتْ

******   ******   ******   ******

أنْحِسْ عُمُّور إيْ أفْرَسا، أبْياتْ إيْ أنْدَدا وسَقَلِّيتْ

إگِلْ أبايْ عَد رَفْعَيُو سِلحُو، وإگِلْ زيمْتَتْ والَقييتْ

مِسْكينْ إگْلُو ودْ عواتى، لَسَنّي تُو گَبَأتْ إگِلْ إكّيتْ
اللّا تارْفَتومْ عَلَتْ، زيمْتَتْ گادْموتاتْ ورَوريتْ

بديرْ إبْ إِفا رَمْقُو عَلَو، وأزى گَبَأوْ سَبْ رَبّعِّيتْ

******   ******   ******   ******

بديرْ كَدَمْ عَلَو وتَلَجْ أمْحَرا، وأزى گَبَأوْ مَنابيتْ

حِنا وهِتَوْمْ مِسِلْ، إيْ إنَّبِّرْ عَنْظارْ حِنا وتَنَجِّيتْ

حِنا وهِتَوْمْ نِتْفَلالى، مَقْرِحْ ألَبْنا مِسِلْ ومَگاسيتْ

ربي لِتّحاسَبُّومْ، مَلّهَيام عَگامى ورِفاقْ عَرَكّيتْ
إلّلا كافُو مَلئَت أفُوهُو، وگا لِگبأ بَعَلْ حَوانيتْ

******   ******   ******   ******

حميتْ حُمّودْ تأكَجِّلْ، ونَبْرا بُولَلْ بلَّعْ دَمَمَّيتْ

وِحِطْتْ وَلَتْ بيتْ تَطَرشْ، بلَّعْ حَوانْ أراوِّيتْ

ربي فَتايْ أبايْ إي لأرْئينا، ومَنْعِيايْ عَنَظّيتْ

******   ******   ******   ******

موتْ مَرارْتا وادِّينا طَرّاريتْ

ادِّينا عِمِرْ ألَبا، حَچارْتا وگَرابيتْ

دَحَنْ عَلْ تِبْلْ، وتِداگَنْ إبْ قَفاليتْ

******   ******   ******   ******

نُؤُشْ سارحْ وعَبِي، إبْ هّماليتْ

ادِّينا گاشَيِّتْ تَا، وحَلافِيتْ

ادِّينا نِئِيشْ تا، وقشّاشِيتْ

ادِّينا كاينَتْ تَا، وطَلاميتْ

بَعَلْ سَنِّيتْ طَلِمْ، وبَعَلْ إكِّيتْ

******   ******   ******   ******

مُوتْ مَرّارْتا، وادِّينا گِرِمْ تَا إبْ مَرْئِيتْ

مُوتْ مَرّارْتا، وادِّينا مالْ تَهيِبْ وأجَنِيتْ

مُوتْ مَرّارْتا، وادِّينا أمَلْ تَهيِبْ ومَسْئِيتْ

مُوتْ مَرّارْتا، ومَنْبَرو ادِّينا طِعِمْتا وفِتِتْ

ادِّينا فَتِيتْ تا، ومُوتْ مَرّارْتا وإبيتْ

******   ******   ******   ******

مُوتْ مَرارْتا وراتْ إي تَتَمُمْ، وگَاريتْ

مُوتْ مَرارْتا دارَتْ تَتَحَدِگْ، وفِريتْ

مُوتْ گارْ حُوتِنِّتْ ألَبا، وگارْ مَتاليتْ

مُوتْ گارْ فَتَجْ ألَبا، وگارْ مَسَانِيتْ

مُوتْ گارْ دَنَگِّلْ ألَبا، وگارْ وَرَازِيتْ

******   ******   ******   ******

مُوتْ مَرعاويتات طَناقِلْ، ومَرعيت

مُوتْ عُشُّولْ إي تأفَريحْ، وسِرْگِيتْ

مُوتْ فِنْگى إنَاسْ تأتِى، وفِنْگى إسِّيتْ

مُوتْ كِلْئُوتْ حَوْ فَناتِى، كِلْئُوتْ مَنَتِيتْ

مُوتْ ما تِتْفَلالى، أكانْ با ومكاريتْ

******   ******   ******   ******   ******

مُوتْ أبْ ظُورْتا، وكِبْدِتْ أمانِتْ كَرِيتْ

مُوتْ أمْ مَرْگَمتا، وحِگْلانْ مَدْحَرْ والْدايِّتْ

مُوتْ حُو نَقْسانْ گروبْ تا، ظِفِرْ وچِبْعيتْ

مُوتْ حِتْ نَقْسانْ شَرَفْ تا، حِرْمَتْ ومَنْتايتْ

مُوتْ ولّادْ مِسْطّارْ لُبْ تا، وقارَچوتْ أمْعيتْ

******   ******   ******   ******   ******

مُوتْ مَرارْتا، ومَنْبَرو ادِّينا طَرّاريتْ

مُوتْ بَلْ ألبا وشَمْ، ريداءيْ ألبا ورادئِيتْ

مُوتْ إبْ سَبِرْ تِطْعِمْ، وإب إيمانْ حاريتْ

مِنْ مُوتْ لِوْعِلْ ألَبُو، وادِّينا كَلَلْ تا ودَواريتْ

مِنْ مُوتْ تَرِفْ ألَبُو، كُلُّو مَيّتْ وگَبِّئْ مَهْدَگِيتْ

• السابق
• التالي